Zumaia Guka datozen egunetan hasiko da iraileko aldizkariaren alea etxez etxe bazkideei banatzen. Bertan landutako edukien artean, Irene Irureta ilustratzaileari egindako elkarrizketa jaso du Gukak; izan ere, zumaiarrak egin du pop-up motako lehen euskarazko liburua, Flyschari eskainita. Honako hau aldizkariaren aurrerapen bideoa da.
Hasieratik bukaerara berak ondutako lehen liburua aurkeztuko du aurki Irene Irureta (Zumaia, 1989) ilustratzaileak. Pop-up motako lehen euskarazko liburua ere bada, gainera. Geoparkearekin elkarlanean egin du prozesua, eta Zumaiako Udalaren beka jaso du liburua gauzatzeko. Flyscha du gaitzat.