Asteburu honetan ere izango da Zumaian zinemaz gozatzeko aukerarik. Ostiraletik astelehenera bitartean, Sin cobertura film espainiarra botako dute egunero, 19:30ean. Filmak kontatzen du nola Rita gogaituta dagoen sakelakoen erabilerarekin. Desagerrarazi egingo ditu mugikorrak, baina ohartuko da Erdi Arora bidaiatu duela haren familiarekin.
Haurrei zuzenduriko filma, berriz, igandean botako dute Aita Mariko zine aretoan, 17:00etan hasita. Toto oilar atseginak eta bere familiak orain arte oilarrak eta oiloak inoiz joan ez diren lekura bidaiatu beharko dute: hego polora, hartz zuri bati eta pinguino alai batzuei etxera itzultzen laguntzeko.