Trapu Zaharra antzerki konpainia sarritan izan da Zumaian bere kale ikuskizunekin. Aurtengoa, baina, berezia izango da, azkena izango delako. Izan ere, 40 urtetik gorako ibilbideari amaiera ematea erabaki dute konpainiako kideek. Horregatik jarri diote azken antzezlanari Azkena eta bagoaz izena.
Antzezlana Zumaian ikusi ahal izango da bihar arratsaldez, 19:30ean hasita, Odieta pilotalekuan. Agurrekoa izanda ere, umorez betetakoa izango da, eta ikuslea ziur irribarre batekin aterako dela.
Sinopsia
Onenean ez dagoen kale-antzerkiko aktore batek aretoko antzerkiarekin probatzea erabaki du. Bere helburua lortzeko, antzerki klasikoko aktore batekin elkartuko da, eta obra berri bat muntatuko du: Bost ordu Mariorik gabe. Dirua biltzeko, berriro zapalduko ditu aurreko konpainiarekin jorratutako plazak.