Genozidioa stop! Israelekin harremanak eten lelopean, mobilizazioak deitu zituen atzo Gernika-Palestina egitasmoak Euskal Herriko herri eta auzoetan. Beste hainbat txokotan bezala, Zumaian ere dozenaka herritar atera ziren Saregile plazara Israel eragiten ari den hilketa guztiak salatu eta kazola jotzearen bitartez protesta egitera.
Herritarrek gogor gaitzetsi zuten Palestinan gertatzen ari dena, eta herrialde horretako banderak airean nahiz eskuartean, txistu, sirena eta zartagin hots etengabearekin salatu zuten egoera. Egindako irakurketan ere mezu hori azpimarratu zuten.