Udako oporren ostean, bueltan dira pilota txapelketak ere. Gipuzkoako txapelketako bi partida hartuko ditu bihar goizez, 09:30etik aurrera, Aitzuri frontoiak. Bietan ere, Zumaiako kirol elkarteko ordezkaritza izango da, eta batean elkarren aurka arituko dira Zumaiako bikoteak.
Larruzko pilotako partidarekin hasiko da goiza, eta bertan Zumaia 2 eta Zumaia 1 neurtuko dira. Urko Ostolaza eta Joel Martin, Telmo Carballo eta Aritz Garikanoren aurka arituko dira.
Bigarren lehian, gomazko pilotarekin, Zumaia eta Mutrikuko Azkia 1 arituko dira elkarren aurka. Zumaiaren aldetik, Jokin eta Julen Beristain anaiak arituko dira.