Kurtso berriko lehen irteera antolatu du Beheko Plaza Zumaiako jubilatuen eta pentsiodunen elkarteak. Urriaren 25ean egingo dute, eta Baztanera (Nafarroa) joango dira.
Hasteko, hamaiketakoa izango dute Elizondon, eta handik Amaiurrera joango dira, bertako gaztelua eta errota bisitatzera. Behin bisita amaituta, Elizondora itzuliko dira, eta han izango dute bazkaria eta, haren amaieran, bingoa eta dantza saioa.
Datorren astelehenean, irailaren 22an, zabalduko dute irteerarako izen ematea, elkarteak Hogarrean duen bulegoan, haren ordutegian. Prezioa 50 euro izango da pertsonako.