Goizeko beroaren ondoren, arratsaldeko euria etorri zen. Jendetza aritu zen goiz partean kalez kale, tabernaz taberna, txosnaz txosna, herri bazkarira hurreratu aurretik. Iaz egin bezala, aurten ere Herri Eskolako aterpean egin zuten herri bazkaria. 600 bat lagun bildu ziren bertan, olagarroarekin egindako paella jatera.
Eta iragarrita zegoen bezala, euria egin zuen arratsaldean. Zirimiri moduan hasi zena, gau partean ekaitz bihurtu zen. Herritar batzuk etxerako bidea hartuko zuten, baina gehiengoak sabela betetzen jarraitu zuen, txosnetan prestatutako olagarro brotxetak jaten. Euripean bada ere, festak jarraitu zuen iluntzera arte.