Urtereko legez, tailerrak eta ikastaroak emango dituzte aurten ere Foronda kultur etxean. Duela bi aste zabaldu zuten ikastaro horietarako izen ematea, eta batzuetako lekuak egun gutxiren bueltan bete ziren. Beste batzuetan, ordea, leku libreak geratu dira. Haiek bete ahal izateko, Udaleko Kultura Saila ondoren jasotzen diren tailer eta ikastaroetarako izen ematea asteazkenera (irailak 24) arte luzatzea erabaki du.
Leku libreak dituzten ikastaroak honakoak dira:
Pintura
Irakaslea Maialen Gallastegi izango da. Bi talde izango dira:
- Astelehena eta asteazkena: 18:30etik 20:00etara.
- Asteartea eta osteguna: 15:00etatik 16:30era.
Oinarrizko pintura haurrentzat (LH3-DBH4)
Irakaslea Maialen Gallastegi izango da.
- Astearte eta osteguna: 17:00etatik 18:00etara.
Egur taila
Irakaslea Daniel Lizarralde izango da.
- Asteazkena: 18:00etatik 20:00etara.
Yoga
Irakaslea Imanol Urbieta izango da. Bi talde izango dira:
- Astelehena eta asteazkena: 10:00etatik 11:30era.
- Astelehena eta asteazkena: 18:30etik 20:00etara.
Yoga jubilatu eta pentsiodunentzat
Torreberrin emango da eta irakaslea Imanol Urbieta izango da. Bi talde izango dira:
- Asteartea eta osteguna: 09:15etik 10:30era.
- Asteartea eta osteguna: 10:45etik 12:00etara.
Izena zumaia.eus webgunean eskuragarri dagoen formularioa beteta emango da. Aurrez aurre ere eman ahal izango da, Alondegiko lehen solairuan, 09:30etik 14:00etara bitartean. Informazio gehiagorako, 943-86 10 56 telefonora deitu edo alondegia@zumaia.eus helbidera idatzi.