Irailaren 11n zabaldu zuten Zumaiako 37. argazki lehiaketako lanekin osatutako erakusketa, Alondegiko Oxford aretoan. Lehiaketako sari banaketa ere egin zuten egun berean, eta Javier Ortiz tolosarrari lehen saria eman zioten.
Guztira, 107 argazkilariren 404 lan jaso dituzte aurtengo lehiaketan, eta horietatik 36 hautatu zituzten erakusketarako. Bilduma ikusteko azken egunak dira honakoak. Izan ere, datorren igande arratsaldean itxiko ditu erakusketak ateak. Bitartean, 18:30etik 20:30era bisitatu ahal izango da.