Idoia Torregarai umoregilea da, kazetaria izateaz gain, eta gaur Zumaian izango da, zahartzaroaz hizketan. Emakumeon Etxean eskainiko du Zaharrizketa deituriko bakarrizketa, eta gai askoren inguruan arituko da usurbildarra: emakumeek zahartzearekin duten harremanaz, mediku bisitez, menopausiaz, señoratasunaz, sexuaz, elkarbizitzaz eta teknologiaz. Gai horien bueltan, gogoeta sakonak mahai gaineratuko ditu, beti ere, umorea erabiliz.
Saioa 18:30ean izango da, Emakumeon Etxean.