55 urte edo gehiago dituzten emakumeei zuzendutako saioa antolatu du Malen Etxea emakume migranteen elkarteak larunbaterako. Arratsaldez egingo dute, elkarteak Basadi auzoko 14. zenbakian duen egoitzan, 16:00etatik aurrera.
Adinean aurrera egin eta emakume migrante horiek izan ditzaketen galderak erantzuten saiatuko dira, hala nola, "nola egongo gara jubilatuko garenean? Zer nolako jubilazioa izango dut? Nola biziko gara? Edo, zer gerta daiteke nire jaioterrira itzultzen banaiz?".
Zapatu arratsaldeko saiora joatea gomendatu diete Malen Etxeko lagunek emakume horiei. "Garrantzitsua da informatuta egotea, denok batera ahots bakarra izan gaitezen", adierazi dute sare sozialen bidez.