Amaia plazan obretan den etxebizitza bloke bateko teilatuan sua piztu da gaur arratsaldean, 17:00 aldera, eta etxeetan ziren bizilagun denak eraikinetik aterarazi dituzte.
Ortega y Gasset eta Juan Belmonte kaleen arteko bost solairuko etxebizitza bloke bateko teilatuan piztu da sua. Eraikin horren teilatuan obretan ari dira, eta ikusteko dago zer eraginda piztu den sua.
Ertzaintzak abisua jaso eta minutu gutxira iritsi dira suhiltzaileak tokira, eta une honetan kontrolpean dute egoera. Ez inor zauritu, ezta etxebizitzarik kaltetu ere. Iluntzean artean beren etxeetara itzuli ezinik jarraitzen zuten bizilagunek, baina 23:00 aldera bueltatu dira.
(Argazkiak: Arnaitz Rubio Aprea eta Gorka Zabaleta)