Zesta punta, paleta eta eskuzko partidak jokatuko dituzte ostirala eta larunbata artean Aitzuri frontoian. .
Ostiralean, 19:15ean hasita, Gipuzkoako txapelketako bi norgehiagoka izango dira. Nagusien 1. mailako zesta punta partida jokatuko dute lehenbizi Zumaia 1 eta Donostia Jai Alaiek. Haren amaieran, nagusien 3. mailako paleta larruzko partida izango da, Zumaia 1 eta Urnietaren artekoa.
Larunbatean, berriz, arratsaldez izango dira partidak. Eskuz banakako bi norgehiagoka jokatuko dituzte 19:00etatik aurrera. Alebinen 3. mailan, Etxeberria eta EPLE elkarteko Lasarte neurtuko dira, eta jarraian, infantilen 3. mailan, Jaimes eta Lagunakeko Sanchez.