Euskal Telebistaren Go!azen telesaila hamabigarren denboraldira heldu da, eta haren estreinaldia egingo dute azaroaren 9an, Zumaiako Aita Mari aretoan. Emanaldia igande arratsaldean izango da, 17:00etan hasita.
Saiorako gonbidapenak hurrengo asteazkenean, urriaren 29an, izango dira eskuragarri, goizeko 10:00etatik aurrera, sarrerakzumaia.eus atarian. Pertsonako, gehienez, lau gonbidapen hartu ahal izango dira.
Gonbidapenak hartu, baina emanaldira joaterik ez dutenei, eskatzen diete kulturetxea@zumaia.eus posta elektronikora idaztea gonbidapenak itzultzeko.