Pilota partidaz betetako asteburua izango da datorrena Zumaiako Aitzuri frontoian. Ostirala eta larunbata bitartean, modalitate desberdinerako bost norgehiagoka jokatuko dituzte pilotaleku luzean.
Ostiralean partida bakarra jokatuko dute, arratsaldean, 19:15ean hasita, eta Zumaia eta Gazteleku 2 neurtuko dira, zesta puntan, kadete mailan.
Larunbat goizean ere zestako partidak jokatuko dituzte. Eguerdiko 12:00etan, Zumaia 1 eta Zumaia 2 arituko dira nagusien lehen mailan. Haren ondoren, 13:00etan, jubeniletako partida jokatuko dute Zumaiak eta Hondarribiak.
Arratsaldean, 15:30ean, alebinen hirugarren mailako eskuz banakako partida jokatuko dute Zumaiako Arizagak eta Gaztelekuko Moralesek. 17:00etan, berriz, gomazko paleta modalitateko lehia izango da Zumaia eta Aia 3-ren artean, nagusien hirugarren mailan.