Urteroko legez, Realaren itsaspeko sailak antolatzen duen Cimasub Itsaspeko Zinemaren Nazioarteko Zikloak geldialdia egin du Zumaian. Pasa den ostegunean, ziklora aurkeztutako lanak erakutsi zituzten Aita Mari aretoan egindako emanaldian.
Horrekin batera, egun batzuk lehenago, urazpiko irudi liluragarriez osatutako erakusketa zabaldu zuten Alondegiko Oxford aretoan. Datorren igandera arte, azaroaren 2ra arte, egongo da bilduma ikusteko aukera, egunero, 18:00etatik 20:00etara bitartean. Larunbatean eta igandean, eguerditan ere zabalik izango da, 12:30etik 14:00etara.