Garaipenarekin itzuli ziren atzo Zumaiako Kirol Elkarteko pilotari Telmo Carballo eta Aritz Garikano Ordiziatik. Goizean jokatu zituzten larruzko paleta modalitateko Gipuzkoako txapelketako finalak Goierriko herriko Beti Alai frontoian.
Nagusien 3. mailan, Zumaia 1 Oiartzungo Txost elkarteko bikotearekin neurtu zen, Azpiroz eta Floresekin, hain zuzen ere. 35 tantotara jokatu zuten finala, eta zumaiarrak izan ziren nagusi 35-25 emaitzarekin.
Garaipen honi esker, Zumaia hirugarren mailatik bigarrengora igo da.