Zaintza izango dute bihar hizpide, Zumaiako Emakumeon Etxean egingo duten hitzaldi batean, baina transfeminismoaren optika aplikatuta. Justu, Zaintzaz transfeminismotik du izena Lore Lujanbio eta Uma Ulazia ekintzaile eta ikerlari transfeministek 18:30etik aurrera eskainiko duten saioa. Euskaraz emango dute saioa.
Zaintzaz, feminismo materialistaz, gizon eta emakume kategoriak desagertzeko beharraz eta beste gai batzuen inguruan jardungo dute biek ere.