Donostiako Kursaal jauregiko programazioa lurraldeko herritarrengana hurreratu nahian, Kursaal eszenak autobusak jarriko ditu ekitaldi horietaz gozatu nahiko dutenen joan-etorriak errazteko. Hala, azaroaren 19an Kursaalen egingo duten The Fairy Queen ikuskizunerako autobusa izango da Zumaiatik, eta kostaldeko beste herrietatik.
Purcelen musika entzuteko aukera izango da egun horretan Donostiako jauregian. Berezitasun bat badu, eta da hip hop edota dantza garaikideko mugimenduek lagunduko dutela konpositorearen musika. Izan ere, zuzeneko musikadun dantza ikuskizuna izango da Les Arts Florisssants – Compagnie Käfig konpainiak proposatuko duena.
Ikuskizunera autobusaren bitartez joan nahiko dutenek aurrez izena eman beharko dute Alondegia kultur etxean (943 861056 / alondegia@zumaia.eus). Izena emateko epea azaroaren 14an itxiko da. Sarrerak, ordea, Kursaaleko webgunean eroriko dira, hemen.
Autobusa 18:10ean aterako da Zumaiatik, Patxita Etxezarreta kaleko geralekutik.