Aste batzuetatik hona martxan dira San Juan egoitzako pasabidea handitzeko lanak. Gaur egun, Arroa kalea eta egoitza arteko igogailutik, azken horren ateraino eramaten du oinezkoen pasabideak. Lan horien bidez, aipatu pasabidea eraikineko beste gune batzuetara luzatuko dute.
San Juan egoitza eraberritzeko asmoa du Gipuzkoako Foru Aldundiak, eta orain abian diren lanak berritze lanen barruan sartzen dira. Eraberritze asmo horretan, egoitza eta Ubillos artean dagoen eraikina eraitsiko dute etorkizun batean.