Gipuzkoako Elikagai Bankurako janari bilketa egiten ari dira gaur Zumaian, supermerkatuen ataritan. Ardantzabideko BMn eta Eroskik herrian dituen hiru supermerkatuetan ari dira bilketa egiten boluntarioak. Gaur bezala, bihar ere jasoko dute herritarrek emandako elikagaiak, goizez eta arratsaldez (Foruen plazako Eroskin goizez bakarrik).
Honako produktuak jasoko dituzte: lekaleak, arroza, gailetak, azukrea, irina, olioa, pasta, kontserbak, kakao hautsa eta 5-6 neurriko pardelak. Komertzioetan bertan Elikagaien Bankua diruz laguntzeko bonoak ere salgai izango dira.