Kaka izeneko antzezlana taularatuko dute azaroaren 21ean Aita Mari aretoan, 20:00etan. Kamikaz kolektiboak sortutako lana, Mikel Laskurain, Ainhoa Aierbe, Erika Olaizola, Xanti Agirrezabala ditu aktore. Zumaian ikusi ahal izango den lana Korrika Kulturalaren barruan sartzen da. Izan ere, AEK-Korrikako II. Kultur Sorkuntza Beka irabazi zuen Xanti Agirrezabalak eta Erika Olaizolak ondutako Kaka proiektuak.
Sarrerak datorren asteazkenetik aurrera egongo dira salgai Turismo Bulegoan eta sarrerakzumaia.eus webgunean, 8,50 euroan eta 5,95 euroan gazte txartelarekin.