Pilota partidarik ez da faltako datorren asteburuan ere Aitzuri pilotalekuan. Lau partida jokatuko dituzte ostirala eta igandea bitartean Zumaiako frontoi luzean.
Ostiralean, 19:15ean, paletako partida jokatuko dute Zumaia 2-k eta Oiangu 1-ek, infantil kategorian. Larunbatean, eskuz banakako kimuen hirugarren mailako partida jokatuko dute Zumaiako Etxeberriak eta Alde Zaharra klubeko Azpiazuk. Amaitzeko, igandean zesta puntako bi partida jokatuko dituzte igandean, 16:00etatik aurrera. Bietan ere, Zumaia eta Mutrikuko Danok Bat klubetako pilotariak neurtuko dira, lehenbizi kadete mailan, eta ondoren jubeniletan.