Azken urteotan egin bezala, Gipuzkoako Foru Aldundiko Kirol sailak, lurraldeko kirolariek urtean zehar egindako lana txalotu eta eskertzeko ekitaldia antolatu du. Aurten Donostiako Tabakalera zentroan egin dute Kirolgala, eta 400 bat lagun gerturatu ziren bertara.
Zumaiako kirolariek izan dute aurten ere presentzia gala horretan. Urtean zehar lortutako emaitzengatik aitortza jaso zuten Janire Gonzalez-Etxabarri surflariak eta Irati Osa piraguistak. Aurten 50 urte bete dituen Zumaiako arraun elkartea ere omendu zuten atzoko ekitaldian.