El Salvadorreko Tokiko Garapenerako Kolektibo Feministak (CFDL) Euskal Fondoaren laguntzarekin garatutako Aquí sí se lucha kanpainari buruzko film laburra proiektatuko dute bihar, asteazkena, Emakumeon Etxean. Aipaturiko kolektiboak hamarkadak daramatza aktibismoan, bere herrialdean eraldaketa soziala bultzatzen. Testigantzen bidez, dokumentalak errealitate injustuak erakusten ditu, aktibismo feminista aldaketarako funtsezko tresna dela agerian utziz. Obra honek salaketa, memoria eta aldarrikapena uztartzen ditu.
Proiekzioa 18:30ean da, eta gero, ikusitakoa partekatzeko aukera izango dute bertaratutakoek. Ikus-entzunezkoa gaztelaniaz izango da.