Musikarien zaindariaren egunaren harira, Zumaiako Musika eta Dantza Eskolako ikasleek jaialdi berezia eskainiko dute bihar arratsaldean, 18:00etatik aurrera, Zumaiena ikastolako aretoan. Bertan, Komentura lekualdatu berri duten eskolako ikasgai desberdinetako ikasleak igoko dira oholtzara, familiartekoen, lagunen eta, oro har, herritarren aurrean saio laburrak eskaintzera.
Musika tailerreko haurrekin hasiko da jaialdia, eta ondoren aterako dira euskal dantzetako, kantu koraleko eta trikitixa, flauta zein funky taldeetako lagunak. Banda txikiaren saioarekin amaituko da ostegun arratsaldeko saioa.