La pilota partida jokatuko dituzte asteburu honetan ere Aitzuri frontoian, ostiralean eta larunbatean bina.
Bihar, ostirala, Gipuzkoako txapelketako bi norgehiagoka izango dira Zumaiako frontoi luzean. Lehenbizi, 19:15ean, zesta punta modalitateko partida jokatuko dute Zumaia 2-k eta Mutrikuko Danok Bat 1-ek, nagusien lehen mailan. Ondoren, 20:00etan, Zumaia eta Altzatarra neurtuko dira pala motzean.
Larunbatean, haurren bi saio izango dira: 16:00etan, infantil mailakoak paletan, eta ondoren benjamin mailakoen topaketa, zesta puntan.