Anais Cordova Paez zuzendariaren Después del patriarcado zientzia fikziozko film laburra ikusteko aukera izango da gaur Zumaian. Sexuan oinarritutako botere hierarkiarik gabeko mundu bat nolakoa izango litzatekeen arakatzen du filmak: patriarkatua indartzen ari dela dirudien testuinguruetan —sexu eskubideetan atzerapausoak, indarkeriaren ukapena edo emakumeen gorputzaren merkantilizazioa eginez—, "gero" bat irudikatzea errebeldia eta itxaropen ekintza gisa ageriko da ikus-entzunezkoan.
Malen Etxeak antolatutako emanaldia da, Indarkeria Matxistaren Aurkako Egunaren harira antolatutako egitarau zabalaren barruan. Emakumeon Etxean izango da saioa, 18:30ean. Gaztelerazko filma da.