Irisgarritasuna hobetzeko helburuarekin Larretxon egiten ari diren asfaltatze lanak tarteko, zirkulazioan zenbait aldaketa izan dira aste honetan. Lan nagusiak amaitu dituzte, udalaren esanetan, eta beraz, momentuz, auzoan ohiko zirkulazioa ezarri dute.
Eguraldi txarra tarteko, zenbait lan egiteko utzi dituzte, dena den. Datorren astean zehar egitea espero dute, eta horien arabera aldatuko dute berriz ere zirkulazioa. Errepidea leunduko dute, inprimazioa ezarri eta margoketa lanekin amaitu. Zumaiako Udalak data zehatzak jakinaraziko ditu lanei ekiteko baldintza meteorologiko egokiak baieztatzen dituenean.