Alauda Ruiz de Azuaren Los domingos filma ikusgai izango da gaurtik astelehenera artean Aita Mariko zine aretoan. 2025eko Zinemaldian Urrezko Maskorra eskuratu du. Aktoreen artean dira Patricia Lopez Arnaiz, Nagore Aranburu eta Miguel Garces. Klausurako moja bilakatu nahi duen 17 urteko neska bat du protagonista filmak, eta asmo horrek familia bati nola eragiten dion kontatzen du.
Haurrek ere izango dute zinema eskaintza. Bihar botako dute La princesa orgullosa animaziozko filma: Benjamin erregearen eta Carolinaren arteko istorioa kontatzen du.
Sarrerak aurrez sarrerakzumaia.eus atarian eros daitezke, eta leihatilan ere bai, emanaldia hasi aurretik.