Komentuko obra nagusia amaituta, eraikin eraberritua ezagutzeko bisita gidatuak izan dira azken asteotan. Datorren astean izango dira gehiago: udalak jakinarazi du azaroaren 28an, 29an eta abenduaren 6an izango direla saio horiek, 17:30ean –lehen bi saioak euskaraz; azkena, gaztelaniaz–.
Astelehenetik aurrera eman ahal izango da izena bisita gidatuetan parte hartzeko. Horretarako, Alondegira jo beharko da, 9:30etik 14:00ak bitarte, edo nahiago izatekotan, 943 86 10 56 telefono zenbakira deitu edo alondegia@zumaia.eus helbidera idatzi. Pertsona bakoitzeko bi gonbidapen hartu ahal izango dira.