Indarkeria Matxistaren Aurkako Nazioarteko egunarekin bat egin du aurten ere Zumaiako Herri Eskolak. Iaz egin bezala, ikastetxeko DBH-1. mailako ikasleek antzezlan bat sortu eta taularatu dute, Aita Mari aretoan. Goizean bi emanaldi izan dituzte, 09:30ean lehena eta 11:30ean bigarrena, eta arratsaldean izango da hirugarren emanaldia, 17:00etan.
Harriaren mintzoa du ikasleek sortu duten antzezlanak. Ikasturtean zehar landutako historiaurrearen inguruko ikasgaiak antzezlan batera eraman dituzte. Haren bidez, genero banaketaren kontakizun tradizionalaren aurrean, emakumea dagokion lekuan kokatu dute.