Ainhoa Urteaga zumaiarrak bere lehen bakarkako diskoa atera du. Arrakala du izena, eta hura aurkezteko kontzertu berezia emango du bihar, ostegunean, 19:30etik aurrera, Alondegiko Oxford aretoan.
Berez, diskoa gauerditik aurrera izango da entzungai plataforma guztietan, baina emaitza Interneten zintzilikatu aurretik, hura osatzen duten abestiak jendaurrean jo eta erakusteko gogoa izan du. Aurreratu duenez, diskoan parte hartzen duten hainbat lagun izango dira gonbidatuak.
Diskoa CDan salgai dago jada herriko hiru puntutan, Xirun, Otañon eta Aizpurua liburu-dendan. Biharko ekitaldian bertan ere erosi ahal izango da.