Alex Odriozola izan da garaile Ereaga hondartzan (Algorta, Bizkaia) jokatu duten Euskal Herriko bodyboard zirkuituko proban. Azken olatuarekin lortu du zumaiarrak garaipena, bertan eskuratu baititu sailkapeneko lehen postua eskuratzeko beharrezkoak zituen azken zortzi puntuak.
Gazteen kategoria ere jokatu dute, eta Unax Pascual zumaiarrak bigarren postuan amaitu du bertan. Txapelduna izan da Ethan Perez, eta hirugarren egin du Ody Elorzak.
Gaurko garaipena ez da Odriozolak zirkuitu honetan eskuratu duen bakarra; izan ere, hilaren hasieran etxean, Itzurunen, nagusitu zen.