54. Nazioarteko Cartagenako Zinema Jaialdian saritu dute Elena Irureta aktore zumaiarra. Zehazki, FICC saria eman zioten atzo egindako ekitaldian Iruretari, bere ibilbide profesionala aitortzeko helburuarekin.
40 urtez zineman, telebistan eta antzerkian ibilitakoa da Irureta, eta sariaren bitartez, interpretazio genero, pertsonaia konplexu eta historia anitzak kontatzeko izan duen ahalmena azpimarratu nahi izan dute. Bere lan adierazgarrienen artean daude, besteak beste, Goenkale, Al salir de clase, El Comisario eta Patria.