Gabon garaian urtero legez, Martutenen espetxeratuta dauden presoentzako produktuen bilketa egingo du Zumaiako Caritasek. Honako gaiak jasoko dituzte: barruko arropa eta galtzerdiak, txandalen galtzak, kamisetak eta jertseak; bainuko txankletak (39-45 tailetakoak); kirol oinetakoak (39-45 tailetakoak); turroi biguna; metxeroak; zigiluak (A motakoak), gutun azalak eta boligrafoak; eta azazkalak mozteko gailuak.
Caritasek herrian duen lokalean bilduko dituzte produktu horiek, abenduaren 9an 19:00etan, eta abenduaren 5ean eta 12an 18:00etan. Egun eta ordu horietan bertaratzerik ez dutenek 943-00 99 64 telefono zenbakira deitu dezakete, produktuak emateko modua adosteko.