Zesta punta modalitateko Gipuzkoako txapelketako finalak hartuko ditu etzi, ostiralean, Aitzuri frontoian. Seniorretako lehen mailako eta jubeniletako neurketak jokatuko dituzte Zumaiako frontoi luzean, 19:30etik aurrera.
Seniorretan, Zumaia eta Donostia neurtuko dira. Zumaiarren aldetik, Cosme Agirre aurrelariak eta Unai Uranga atzelariak osatuko dute bikotea. Jubeniletan, berriz, Mutrikuko bi bikote arituko dira aurrez aurre txapelaren bila. Kategoria horretan, Zumaiako Marlon Watkins eta Mikel Silveti zumaiarrak finalerdietara heldu ziren, baina ezin izan zuten finalerako txartela lortu, Mutriku 2-ren aurka 29 eta 30 emaitzarekin galdu ondoren.