Arranpla pareko zorua konpontzeko lanak pasa den astean abiatu zituen Portu Zuzendaritzak. Asfaltatze lanak amaitu dituzte dagoeneko, baina oraindik lerroak margotzeko lanak egin behar dituzte. Zuzendaritzaren arabera, dena ondo bidean datorren astelehenean egingo dituzte lan horiek.
Hori dela eta, datozen egunotan ere Zumaia eta Donostia lotzen dituzten Lurraldebuseko autobusak ez dira moilan sartuko; ez dituzte bidaiariak Arranpla inguruan utziko, eta ez hartuko Garoa taberna pareko geralekuan. Lanak guztiz amaitu arte, Patxita Etxezarreta kaleko geralekuetan bakarrik egingo dituzte geldialdiak.