Gipuzkoako txapelketako finalak jokatu zituzten atzo Aitzuri frontoian, zesta puntako modalitatean. Jubenil eta senior mailako partidak jokatu zituzten. Azken kategoria horretan, lehen mailako norgehiagokan, Zumaia eta Donostia neurtu ziren. Partida berdindu batean, Zumaia ordezkatu zuten Cosme Agirrek eta Unai Urangak ezin izan zuten garaipena erdietsi donostiarren aurka; 28-30 emaitzarekin irabazi zuen partida eta, ondorioz, txapelketa, Donostiak.
Jubenil mailako finala ere jokatu zuten. Kasu honetan, Mutrikuko Danok Bat elkarteko bi bikote neurtu ziren, eta Danok Bat 1ek 30-9 emaitzarekin irabazi zion Danok Bat 2ri.