Sabela gozatzeko beste aukera bat izango dute Beheko Plaza elkarteko bazkideek astebeteko epean. Pasa den ostiralean, Santa Luzia egunaren aitzakian, txokolate beroa txurroekin atera zieten arratsalde partean Hogarrera gerturatu zirenei, eta datorren ostiralean, hiru egun barru, txistor pintxoak dastatzeko aukera izango dute.
Berez, igandean ospatzen da San Tomas eguna, baina Beheko Plazak ostiralera aurreratuko du ospakizuna. 18:00etan izango da jarduera, Hogarrean.