Herriko emakume aitzindariei buruzko egutegia argitaratu du aurten Zumaiako Udaleko Euskara Zerbitzuak. Hilabete bakoitzean emakume baten inguruko informazioa eskura daiteke QR kode baten bitartez. Marrazkiak Ander Hormazuri margolariak landu ditu; eta Emakumeon Etxearen, Imanol Azkueren nahiz Mikel Arroiaberen laguntza izan dute informazioa biltzeko.
Herriko ikastetxeetan banatu dute jada egutegia, etxeetan horren inguruan hitz egitea bultzatzeko. Hemendik aurrera, udaletxeko harreran eskuratu ahal izango da, eta online ere bai, helbide honetan.