Gabonak ate joka dira dagoeneko. Astebete barru, umeak Niño Jesusen Eskean aterako dira, eta eguerdi partean kalez kale arituko da Olentzeko. Ez da Gabonetako abestirik faltako herriko erdiguneko kaleak zeharkatuko dituen kalejira hartan.
Haurrek dagoeneko pentsatuta izango dute zer opari eskatu ikazkinari, eta izango da dagoeneko gutuna ere idatzi duena. Gutun horiek Olentzerori errazago heltzeko, postontzia jarri dute Kofradiako aterpean, Estalapean. Datorren asteazkenera arte izango da haurren desioak bertan uzteko aukera.