Igandean ospatuko da San Tomas eguna. Ohikoa den bezala, jendetza gerturatuko da Donostiara (Gipuzkoa), bertako azoka bisitatzera eta txistor pintxo bat edo beste jatera. Hiriburura joango diren lagunen joan-etorria errazteko, Euskotrenek tren zerbitzua indartuko du igande bertarako.
Hala, ohikoan trenak orduro izaten badira ere, igande horretan ordu erdiro izango dira Donostiako Amara eta Zumaiako tren geltokia artean. Bi noranzkoetan izango dira zerbitzuak 30 minutuan behin.