Martxoaren 1ean korrituko dute Donostian Lilatoia lasterketa, eta Zumaiako Emakumeen Etxeak talde bezala parte hartzeko izena emango du beste urte batez.
Emakumeon Etxearekin parte hartu nahi duten herritarrek galdetegi hau bete dezakete. Formulario honen bidez apuntatzen direnek dortsalak eta kamisetak Emakumeon Etxean jasotzeko aukera izango dute.
Behin galdetegia beteta, diru sarrera egin beharko dute Laboral Kutxako ES65 3035 0037 43 0370054560 kontu korronte zenbakian (onuraduna: Zumaiako Emakumeon Etxeko Elkartea-eme8). Sarrera egiterakoan, kontzeptuan 'Lilatoia' eta parte hartzailearen izen-abizenak zehaztu beharko dira. Lasterkariaren transferentzia jasotzen dutenean egingo dute izen ematea, eta orduan iritsiko zaie korreoetara izen-ematearen egiaztagiria.
Aurten ere garraio publikoan egingo dute Donostiarako joan-etorria, eta aurrerago zehaztuko dute ordutegia. Bueltakoan, bazkari herrikoia egingo dute. Lasterketa prestatzeko entrenamendu saioak ere egingo dituzte urtarriletik aurrera, asteazkenero, 18:30ean, Emakumeon Etxetik abiatuta.