Zumaiako Xake Taldeak antolatuta, xakean aritzeko aukera izango da urtea amaitu baino lehen. Hain zuzen ere, abenduaren 29an jokatuko dute Gabonetako xake txapelketa. Partidak Alondegiko Oxford aretoan izango dira, 17:00etan hasita, eta izen-ematea dagoeneko zabalik da.
Hala, sei sari banatuko dituzte guztira. Irabazleak 200 euroko balioa duen saski bat jasoko du; 150 euroko balioko saskia bigarrenak, eta 100 eurokoa hirugarrenak. Horiez gain, lehen zumaiarrak, lehen emakumeak eta lehen gazteak saski bana jasoko dute.
Txapelketan parte hartzeko, interesdunek zumaiakoxaketaldea@gmail.com helbidera idatzi edo 630 93 70 41 zenbakira deitu dezakete. Lekuak mugatuak direla adierazi dute antolatzaileek.