Urtero legez, Gabonetako egitarauaren barruan, Zumaiako Bertso Eskolak bertsolari gazteen saioa antolatu du, Zumaiako Udalaren babesarekin. Jaialdia gaur arratsaldean izango da, 20:00etatik aurrera, Alondegiko Oxford aretoan, eta ziur herriko bertsozaleek gogotik gozatuko dutela beste urte batez..
Aurten, ondorengo sei bertsolariak igoko dira ogoltza gainera, Haritz Alberdi gai jartzaile azkoitiarra bidelagun dutela: Maddi Aiestaran beasaindarra, Amets Aizpurua getariarra, Irati Alcantarilla urruñarra, Unai Mendiburu algortarra, Aitor Ugarte aramaioarra eta Janire Arrizabalaga gernikarra; azken honek Irati Arakistan zumaiarra ordezkatuko du saioan, osasun arazoak medio azkenean ezin izango du parte hartu.
Sarrerak hiru euro balio ditu, eta aurrez Turismo Bulegoan jarri dituzte salgai.