Larunbatarekin batera egingo dute Gabonetako haurrentzako parkea, Aitzuri pilotalekuan. Azken urteotan egin bezala, Aitzuri pilotalekuan egingo dute jarduera, goizez eta arratsaldez. Goizean 11:00etatik 13:30era egongo da zabalik, eta arratsaldez 16:00etatik 19:30era.
Puzgarrietan aritzeko aukera izango dute egunean zehar frontoira bertaratuko diren haurrek, baita beste jolas batzuetan ere. Sarrera doan izango da, edukiera bete arte.