Haurrentzako clown ikuskizuna izango da urtarrilaren 18an, Aita Mari zinema aretoan. Ekain pailazoak Hautsak harrotzen izeneko ikuskizuna ekarriko du Zumaiara aipatu egunean. 2 urtetik aurrerako haurrei zuzendutako saioa da eta bi emanaldi izango dira egun berean: eguerdian lehena, 12:00etan, eta arratsaldean bigarrena, 16:30ean. Bi saioetarako sarrerak gaur bertan jarriko dituzte salgai, 10:00etatik aurrera, sarrerakzumaia.eus webgunean, 4,35 euroan.
Ikuskizunean zehar, Ekain pailazoak zirkuko bere maleta zaharra hartu eta Euskal Herriko hainbat txoko hankaz gora jarriko ditu, bere pailazokeria, malabarismo eta jolasekin, haur, gazte eta helduak barrez lehertu arte.