Martxoaren 19an Atharratzen (Zuberoa) hasi eta hil horren 29an Bilbon bukatuko da 24. Korrika. AEK-k Euskara gara lelopean zabalduko du 11 egunez euskararen aldeko aldarria, eta gaur, osteguna, jakinarazi du euskaltegiak egitasmo horrek aurten egingo duen ibilbide zehatza zein izango den. Martxoaren 25ean, asteazkenez, ailegatuko da 24. Korrika aurten Zumaiara.
Duela bi urte ospatu zen egitasmoan ez bezala, aurten arratsaldeko orduetan ailegatuko da euskararen aldeko egitasmoa herrira; 17:09rako jarri dute Zumaian Korrikaren iritsiera ordua. Beste hainbat alditan bezala, aurten ere Getariatik barrena sartuko da Korrika herrian. N-634 errepidean egingo ditu hasierako kilometroak, baina herrigunera ere sartuko da egitasmoa, hala nola Patxita Etxezarreta, Txomin Agirre, Bidasoa, nahiz Erribera kaleetara eta Axular Ibiltokia ibilbidera. Herrigunea atzean uztean, Narrondo aldera joko du, eta Arroabetik zehar, Itziarrera zuzenduko da Korrika.
Honakoa da 24. Korrikak Zumaian egingo duen ibilbide zehatza:
| N-634 (25. km) | 17:09 |
| N-634 (25. km) | 17:11 |
| N-634 (26. km) | 17:14 |
| N-634 (26. km) | 17:16 |
| N-634 (27. km) | 17:19 |
|
N-634 (27. km) |
17:21 |
| N-634 (28. km) | 17:24 |
| Patxita Etxezarreta kalea | 17:26 |
| Txomin Agirre kalea | 17:28 |
| Bidasoa kalea | 17:31 |
| Erribera kalea | 17:33 |
| Axular Ibiltokia ibilbidea | 17:36 |
| Axular Ibiltokia ibilbidea | 17:38 |
| Axular Ibiltokia ibilbidea | 17:41 |
| Axular Ibiltokia ibilbidea | 17:43 |
| N-634 (30. km) | 17:46 |
Hona hemen Korrikak eskualdean egingo duen ibilbidearen mapa:
