Elorriagan ospatuko dituzten San Sebastian jaien atarian, datorren ostiralean, hilaren 16an, mus txapelketa izango dute jokoan. Partidak auzoko Lau-haizeta elkartean jokatuko dituzte, 22:30ean hasita. Izenak aurrez emango dituzte, 22:00etan elkartean bertan, eta bikoteko 20 euro ordainduko dituzte.
Sariei dagokionez, txapela eta 350 euro jasoko dituzte irabazleek; bigarren sailkatuek garaikurra eta 200 euro dirutan; hirugarren sailkatuek 100 euro, eta laugarrengoek ustekabeko saria.